(derivas derowel wosa Reuters)

Pennvenyster bretennek Boris Johnson wrug leverel dell yw gorthenebi rolyow-gortos rag leuvvedhegneth yn Servis Kenedhlek a Yeghes (SKY) yn Pow Sows ragwir pòsek wosa deun dhe dhiskwedhes dell mâ 4.7 milyas a dus ow kortos argerdhow usadow, an ughella niver dhia 2007.

"Ragwir ewn yw hemma rag agan pow lemmyn, à 4.7 ar rolyow-gortos," y wrug e leverel dhe dharlesoryon dy'Yow.

"Ni wra surhe dell wren ni ri dhe'n SKY oll an arghasans a vo res dhodho, par dell wrussyn dres an pla oll, dhe fetha'n kuntellyans."

(derivas wosa'n meni Reuters; derivas derowel gan Elizabeth Piper, golegyans gan Kate Holton)

Breten dheuth dhe unverheans gans an Kesunyans Europek a fatel wra hi gorthybi or gwrians laghel an kesvagans yn kever fatel wrug an eyl wrug komendya rewlys kenwerth abarth Werdhon Gledh erbynn kres Me, herwydh pà wrug leveryas an governans leverel dy'Mergher.

An KEu wrug gweythresa gwrians laghel erbynn Breten yn mis Meurth awos chanjya restransow kenwertha rag Werdhon Gledh yn unntuel, an pyth â erbynn àg adreus dhe'n bargen torva Brexit dann unverheans gans Loundres warlena, herwydh Brussel.

Breten wrug nagha fatel wra'n towl domhwel parth an bargen Brexit a wra hi menystra kenwerth dhe'n rannvro vretennek, yn leverel dell wrug hi stynna'n spys gras rag chekkyow ar wara ow kwaya dhe Werdhon Gledh dhe esya gà thremen.

"Herwydh furvell a wra yn-neusek gasa dew vis dhe worthybi or proses a'n eghen-ma, ni dheu dhe unverheans gans an KEu ma wren ni gorthybi or an Lyther Argemmyn Othrosek erbynn kres Me," y leveris an leveryas.

"Re ben ni kler dell yw laghel an kammow a wrussyn ni à parth a weythresans an Arskwir Werdhon Gledh rydhvrysel àg a-fydhyans."

Dhia dhiberthi a varghas unsel an KEu warlena dhe dhiwedh, re welas nebes gorvarghasow yn Werdhon Gledh esowyow a vòs, à'n governans bretennek wrug delatya ynwedh komendya chekkyow ar fardellow à miles dov.

Fenten an kaletterow yw ambosow an akord omdenna Breten, neb wra gasa Werdhon Gledh beryn marghas unsel an KEu a wara, dredho worholya chekkyow ar wara ow tredhes ena a barthow erel an Ruvaneth Unys.

Mâ towl gen an dhiw barth a omvetya dy'Yow rag keskowsow am Werdhon Gledh yn kuntelles ma na vydh seweni dell hevel, mes neb yw synsys vel savla hà Loundres à Brussel ow saya kavòs fordh dh'alòsegi dihevelepterow yn kever kenwerth.